Махсус имкониятлар
Аввалроқ булунғурлик боксчи Ситора Турдибекова Бирлашган Араб Амирликларида катталар ўртасида бўлиб ўтаётган бокс бўйича Осиё чемпионатида иштирок этаётганлиги тўғрисида хабар берган эдик.
-57 кг вазн тоифасида жанг қилётган булунғурлик спортчи Осиё чемпионатида Шри-Ланка боксчисига қарши жанг қилиб, 5:0 ҳисобида ғалаба қозонган ва ярим финалга йўл олган эди.
Ўтказилган ярим финал жангларида Ситора Турдибекова тожикистонлик Мижгона Самадовага қарши жанг қилди ва 5:0 ҳисобида ишончли ғалабани қўлга киритди. Бу ҳақда Ўзбекистон бокс федерацияси матбуот хизмати хабар бермоқда.
Тасдиқланмаган маълумотларга кўра, навбатдаги, яъни финал жанг ҳиндистонлик боксчилардан бири билан бўлиши кутилмоқда. Юртимиз шарафини ҳимоя қилаётган Ситора Турдибекованинг туманимизга олтин медал билан қайтишига тилакдошмиз!
