Махсус имкониятлар
Ўзбекистон Республикаси экология ва атроф муҳитни муҳофаза қилиш давлат қўмитаси Булунғур туман бўлимига мурожаат келиб тушган. Мурожаатчининг айтишича, “Каттақишлоқ” маҳалласи “Ингичка” қишлоғидаги булоқлардан бирига маҳаллий чўпонлардан бири эгалик қилаётган экан.
Мурожаат жойига бориб ўрганилганда бу икки чўпон ўртасидаги оддий келишмовчилик эканлиги маълум бўлди. Чўпонларга ушбу табиий булоқдан ҳар иккиси эркин фойдаланиши мумкинлиги, бироқ ҳеч бири ноқонуний равишда, ўзбошимчалик билан эгалик ҳуқуқини даво қила олмаслиги тушунтирилди. Бундан ташқари чўпонларга атроф муҳитни ифлослантирмаслик, табиат неъматларидан унумли ва оқилона фойдаланиш лозимлиги борасида тушунчалар берилди.
