“Bulung‘ur hayoti” gazetasi tahririyatida navbatdagi matbuot anjumani o‘tkazildi. Tadbirda tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – tuman iqtisodiy taraqqiyot va kambag‘allikni qisqartirish bo‘limi boshlig‘i Xabibullayev Dilshod Ismailovich tomonidan “Bulung`ur tumanida aholini ijtimoiy himoya qilish yuzasidan birinchi yarim yillikda amalga oshirilgan ishlar, 2022-yilga belgilangan ustuvor vazifalar to`g`risida” ma’lumot berildi.
Xususan, tadbir davomida hokim o‘rinbosari tomonidan ma’lumot berilganidek, tumanda “Temir daftar”ga 1376 ta oila kiritilgan. Shundan 951 ta oilada doimiy daromad manbayi yaratilib, daftardan chiqarildi. 1-iyul holatiga daftarda 425 ta oila qolmoqda. Jumladan:
-392 ta oilaga 971,2 mln.so‘mlik asbob uskunalar olib berildi.
-3 ta na’munali mahallaga 18 ta inkubator uskunasi, tovuq, quyon, qoramollar tarqatildi.
- 44 ta oilalarga bandlikka ko‘maklashish jamharmasi hisobidan 35,6 mln.so‘mlik kartoshka urug‘lari olish uchun subsidiya mablag‘lari ajratildi.
- 6 nafar fuqarolarning murakkab tibbiy operatsiyasi uchun jami 127,3 mln.so‘m mablag‘ ajratildi.
Shuningdek, tumanda “Ayollar daftari”ga 2732 nafar ijtimoiy,huquqiy, tibbiy-psixologik qo‘llab-quvvatlashga, bilim va kasb o‘rganishga ehtiyoji bor bo‘lgan ishsiz xotin-qizlar kiritildi. Ulardan:
- 1360 nafariga bir martalik 1080 ming.so‘mdan jami 719 mln 280 ming.so‘m moddiy yordam berildi.
- Uy-joy tamiriga muhtoj 20 nafar xotin-qizlarga bazaviy hisoblash miqdorining 30 baravari miqdorida 8 mln 100 ming.so‘mdan jami 162 mln.so‘m mablag‘lar ajratildi.
- 85 nafariga 854 mln.so‘m kreditlar ajratildi.
“Daftar”ga kiritilganlardan:
- tikuvchilik va kashtachilikka 315 nafar, pazandachilik va qandolatchilikka 48 nafar, sartaroshlikka 31 nafar, milliy hunarmandchilikka 8 nafar va boshqa yo‘nalishlarga 131 nafari o‘qitilib, jami 628 nafarining bandligi taminlandi.
Tumanda “Yoshlar daftari”ga tizimli muammolarga ega bo‘lgan
2505 nafar yoshlar kiritilgan. Bugunga qadar 2429 nafari “daftar”dan chiqarilib, 1 iyul holatiga 76 nafari qolmoqda. Ulardan:
-bo‘sh ish o‘rinlariga 40 nafar yoshlar joylashtirildi.
- 1282 nafar yoshlarga 10 yilga ijara asosida yer maydonlari ajratib berildi.
- 41 nafar yoshlarga kreditlar ajratib berildi.
- 102 nafar yoshlarga asbob-uskunalar ajratildi.
- 26 nafar yoshlar haydovchilikka o‘qitildi.
- 68 nafar yoshlarning SChR harajatlari to‘lab berildi.
-1 00 nafar yoshlarning OTM to‘lov kontrakti to‘lab berildi.
- 2 nafar yoshlarga tibbiy, psixologik va ijtimoiy yordam ko‘rsatildi.
- 2 nafar yoshlarning iste’dodlari qo‘llab-quvvatlanib, daftardan chiqarildi.
- 407 nafar yoshlarga g‘alladan bo‘shagan yer maydonlari ajratildi.
- 343 nafar yoshlar o‘z arizasiga ko‘ra daftardan chiqarildi.
-19 nafar yoshlar noqonuniy migratsiyaga ketganligi uchun “Yoshlar daftari”dan chiqarildi.
Muxtasar qilganda tumanda aholini ijtimoiy himoya qilish yuzasidan qator amaliy ishlar olib borilayotganligi ta’kidlandi.
Media-tadbir ishtirokchilari mavzu yuzasidan o‘zlarini qiziqtirgan savollariga javoblar olishdi.